📀Hard Disk Drive ကို ဖွင့်လိုက်ရင် ဘာဖြစ်နိုင်သလဲ📀

 📀Hard Disk Drive ကို ဖွင့်လိုက်ရင် ဘာဖြစ်နိုင်သလဲ📀

(ဗဟုသုတအနေနဲ့ပါ၊ လုံးဝ စမ်းမကြည့်ပါနဲ့)

📀ကျွန်တော်တို့ ကွန်ပျူတာတွေမှာ တပ်ပြီး သုံးနေတဲ့ Hard Disk Drive တွေကို အဖုံးဖွင့်ပြီး ကလိချင်တယ်.. ဘာဖြစ်နိုင်သလဲ..

"တာ့...တာ"👋

အဲလိုဖြစ်သွားပါလိမ့်မယ်။

Hard Drive တွေက အရမ်းကို Sensitive ဖြစ်ပါတယ်။ ကျွန်တော်တို့ရဲ့ ဒေတာတွေကို စက်ဝိုင်းပုံ ချပ်ပြားဝိုင်းထဲမှာ သံလိုက်ဓာတ်အနေနဲ့ သိုလှောင်ထားတာဖြစ်ပြီး.. အဲဒီထဲက အချက်အလက်တွေကို Head တွေက ချပ်ပြားပေါ်မှာ အလွန်နီးကပ်စွာ တည်ရှိပြီး ဖတ်ပေးတာ ဖြစ်ပါတယ်။

စက်ဝိုင်းပုံ ချပ်ပြားဝိုင်းတွေကို အလျူမီနီယံ(သို့မဟုတ်)ဖန်နဲ့ ပြုလုပ်ထားလေ့ရှိပြီး အချက်အလက်တွေသိမ်းဆည်းဖို့ကတော့ ပါးလွှာတဲ့အလွှာတစ်ခု အနေနဲ့ အပေါ်ဆုံးမှာ ရှိနေတာ ဖြစ်ပါတယ်။ ဒီချပ်ပြားဝိုင်းကို Platter လို့ ခေါ်လေ့ရှိပါတယ်။

အဲဒီ Disk တွေက တစ်မိနစ်ကို အပတ်ရေပေါင်း ၄၂၀၀ ကနေ ၁၅၀၀၀ ထိ လည်ပတ်နေတာဟာ.. Hard Drive တွေ အရမ်း Sensitive ဖြစ်ရခြင်းရဲ့ အကြောင်းရင်းတစ်ရပ် ဖြစ်ပါတယ်။ မျက်စိနဲ့ မမြင်နိုင်တဲ့ ဖုန်မှုန်လေးတစ်မှုန်ဟာ Platter တွေအတွက်တော့ ဆိုင်ကလုန်းမုန်တိုင်းကြီးသဖွယ် ဖြစ်သွားနိုင်ပါတယ်။ သင့်ရဲ့ မြတ်နိုးလှစွာသော ဒေတာတွေကို တာ့တာ ပြသွားစေနိုင်ပါတယ်။

စောဒက တက်စရာရှိတာပေါ့.. ဒါဆို ဖုန်ရှိတဲ့နေရာမှာ မလုပ်ဘူးကွာ.. ဖုန်လုံးဝ မရှိတဲ့ အခန်းအလုံပိတ်ထဲမှာ လုပ်မယ်.. ရမလား..❓

အွန်း... မရဘူး..❌

ဘာလို့လဲ... အခန်းဘယ်လောက် သန့်ပါတယ်ပြောပြော လေထုထဲမှာ ရှိနေတဲ့ ဖုန်မှုန်အရေအတွက်ဟာ သိန်းနဲ့သန်းနဲ့ချီပြီး ရှိတယ်.. မယုံရင် အမှောင်ထဲ ဓာတ်မီးထိုးကြည့်၊ လေဆာနဲ့ထိုးကြည့်.. မီးရောင်တန်းကို မြင်နေရသေးတယ်ဆိုရင် ဖုန်မှုန်ရှိနေသေးတယ်.. ဒါတောင် မျက်စိနဲ့မြင်ရတဲ့ အမှုန်အရွယ်ဆိုတာ အရမ်းကြီးလွန်းတယ်ပြောလို့ရတယ်.. သူ့ထက်သေးတဲ့ဟာတွေ အများကြီးရှိပါသေးတယ်..

ဒါဆို  ကုမ္ပဏီတွေက ဒီ Hard Disk Drive တွေကို ထုတ်လုပ်တော့ ဘယ်လို ထုတ်လုပ်သလဲ..ပြင်ရင်ရော ဘယ်လို ပြင်သလဲ..

Class 100 Room (Lab လို့ခေါ်ကြတယ်) အဲ့ထဲမှာ ပြင်တာဆင်တာ တပ်တာ ဖြုတ်တာ လုပ်ကြတယ်..💯

 Class 100 Room ဆိုတာက အမှုန်ပေါင်း ၁၀၀ အောက်မှာရှိတဲ့ အရမ်းသန့်စင်တဲ့ အခန်းတွေပါ.. အဲ့မှာပဲ လုပ်ကြတယ်.. ဒါ့ကြောင့် ပြင်ဆင်မယ် ဆိုရင်တော့ အဲဒီအခန်းတွေနဲ့ အလုပ်လုပ်မဲ့ Specialist တွေကိုပဲ ပြင်ခိုင်းသင့်တယ်.. အဲလိုမှ မဟုတ်ဘဲ Do It Yourself (DIY) နည်းလမ်းနဲ့ ကိုယ့်ဘာသာကိုယ် လုပ်တာကတော့ ကိုယ့်ရဲ့ Hard Disk Drive ကို လည်ပင်းကြိုးကွင်းစွပ်တာ၊ သေလက်မှတ်ပေးလိုက်တာ၊ သေတွင်းထဲပို့လိုက်တာ၊ သေမိန့်ချလိုက်တာနဲ့ အတူတူပါပဲ။

သို့သော်လည်း ဒီထဲမှာ ဘာတွေပါလဲဆိုတာကို လက်တွေ့ကျကျ သိချင်ရင်တော့ ဖွင့်ကြည့်ကြပေါ့ဗျာ.. သုံးမရလို့ လွှင့်ပစ်မဲ့ဟာတွေဆိုရင်တော့ သဘောရှိပေါ့လေ။

ကျေးဇူးတင်ပါတယ်ခင်ဗျား